აუდიო ტექნიკის, დინამიკებისა და ყურსასმენების შეკეთება

პორტატულ მოწყობილობებში მიზეზი ყველაზე ხშირად აკუმულატორი, სატენი ბუდე (გატეხილია, კონტაქტი არ აქვს), ჩართვის ღილაკი ან მცველია. ხოლო დენზე მომუშავე აკუსტიკასა და გამაძლიერებლებში — კაბელი, მცველი ან კვების პლატა. თუ აპარატს გარეგნული დაზიანება არ ეტყობა, მაგრამ არ ირთვება, მოგვწერეთ მისი მოდელი. ასევე მიუთითეთ, აქვს თუ არა რაიმე რეაქცია (ინდიკატორი, წკაპუნი).

ყველაზე ხშირად დამნაშავე თავად დინამიკია - საკიდის/დიფუზორის ცვეთა ან გახევა, ან მაღალ ხმაზე გადატვირთვა. თუ ხრიალი ხმის ნებისმიერ დონეზე და ყველა წყაროზე ვლინდება - მიზეზი შეიძლება იყოს გამაძლიერებელში (გაბერილი კონდენსატორები, გამომავალი კასკადი). დინამიკისა და გამაძლიერებლის დაფის შეკეთება სხვადასხვა სირთულისაა და ფასიც შესაბამისად იცვლება. გვითხარით ხრიალი სულ ისმის, თუ მხოლოდ ხმის აწევისას?

თუ სტერეოსისტემის ერთი მხარე არ მუშაობს, პრობლემა ძირითადად გაწყვეტილ კაბელში, მორყეულ ბუდეში (AUX/RCA/კლემა) ან გამაძლიერებლის არხშია. მიზეზის დასადგენად, გთხოვთ გადაანაცვლოთ კაბელები ან დინამიკები და მოგვწეროთ, გადაინაცვლებს თუ არა გათიშული მხარეც.

დიახ, შეკეთებადია. მიზეზი ძირითადად გამაძლიერებლის კომპონენტების (მაგ: კონდენსატორების) დეგრადაცია, დინამიკის ცვეთა, დაჟანგული კონტაქტები ან გაცვეთილი პოტენციომეტრია. შეკეთების ფასი დამოკიდებულია იმაზე, მხოლოდ წმენდა/მცირე დეტალების შეცვლა იკმარებს თუ გამაძლიერებლის დაფის შეკეთება გახდება საჭირო. გთხოვთ მოგვწეროთ: აპარატის სიმძლავრემ თანდათან იკლო თუ მკვეთრად?

მუდმივი ფონი/ბზუილი კვების ბლოკის კონდენსატორების ან დამიწების პრობლემაზე მიუთითებს, ხოლო შიშინი — დაზიანებულ კაბელებსა და კონტაქტებზე. რეგულატორის ტრიალისას წარმოქმნილი ტკაცუნი კი გაცვეთილი პოტენციომეტრის ბრალია, რომელიც იწმინდება ან იცვლება. მიზეზის დასადგენად, მოგვწერეთ: ხმაური ხმის დონესთან ერთად იცვლება და ნებისმიერ წყაროზე ისმის?

კავშირის აღსადგენად ვამოწმებთ მოდულს, დაფას, ანტენას და პროგრამულ ნაწილს; თანაც, თუ კაბელით (AUX) ხმა ისმის, პრობლემა ნამდვილად უსადენო მიმღებშია. აქვე გეტყვით, რომ წარმატებით ვამატებთ Bluetooth-მოდულებს ძველ გამაძლიერებლებსა და დინამიკებშიც. ზუსტი პასუხისთვის, მოგვწერეთ თქვენი ტექნიკის მოდელი.

მოკლე ჩართვის თავიდან ასაცილებლად, აპარატი აუცილებლად გამორთეთ, არ დატენოთ და გააშრეთ. სახელოსნოში ჩვენ ვასუფთავებთ პლატას, აღვადგენთ დაზიანებულ ბილიკებს და ვცვლით მწყობრიდან გამოსულ კომპონენტებს (საჭიროების შემთხვევაში - დინამიკსაც). შეკეთების შესაძლებლობა და ზუსტი ფასი მხოლოდ დაშლისა და დიაგნოსტიკის შემდეგ დგინდება. რაც უფრო დროულად მოიტანთ ტექნიკას, მით მეტია მისი გადარჩენის შანსი.

დატენვის პრობლემა ძირითადად მორყეული სატენი ბუდის ან რესურსამოწურული აკუმულატორის ბრალია, იშვიათ შემთხვევაში კი მიზეზი პლატის დამუხტვის კონტროლერია. ვინაიდან ამ დეტალების შეცვლას სხვადასხვა ფასი აქვს. მოგვწერეთ მოდელი და დაგვიზუსტეთ: დამტენზე შეერთებისას აპარატს რაიმე რეაქცია თუ აქვს (ინდიკატორი ინთება? ხურდება?).

დიახ, ვაკეთებთ. კოჭის გაწყვეტის ან დაწვის დროს, დინამიკს ვცვლით ზუსტი ანალოგით ტექნიკური პარამეტრების (წინაღობა, სიმძლავრე, ზომა) მიხედვით. თუ აპარატს ხმა საერთოდ დაეკარგა, ჟღერადობას ამახინჯებს, დახშულად ისმის ან დამწვრის სუნი აქვს - პრობლემა სწორედ ესაა. მოდელის შესარჩევად გამოგვიგზავნეთ დინამიკის ფოტო და მისი მარკირება

შეკეთების ფასი დაზიანების ტიპზეა დამოკიდებული, რადგან პორტის შეცვლა, დინამიკის ჩანაცვლება და პლატის შეკეთება სხვადასხვა სირთულის სამუშაოა. ზუსტი თანხის წინასწარ გასაჟღერებლად, გთხოვთ მოგვწეროთ მოდელი და აღწეროთ, კონკრეტულად რა პრობლემა აქვს ხმას.

დიახ. ვაკეთებთ Marshall, JBL, Bose, Sony, Harman Kardon, Anker და სხვების პორტატულ და სტაციონარულ დინამიკებს. აკუმულატორების, USB-C შესაერთებლების, დინამიკების, დაფების შეცვლა.

ყველა სამუშაოსა და დაყენებულ ნაწილზე - 2 თვე.